Kyun Dil mera

Muddat say jiss kay waaste Dil bay qaraar tha
Woh laut kar na aaya magar intezaar tha

Jo humsafar tha chorr  gaya raah may mujhe
May phans gayee bhanwar main woh darya ke paar  tha

Manzil qareeb aayi to tum door hogaye
Itna to tum batao kay  yeh kaisa Pyaar tha

Chilman giradi yeh kis ne dono ke darmiyan
Na woh sakoon se betha, na mujh ko qaraar tha

Yeh mukhtasar sa  haal hai rukhsat ke waqt ka
Ankhon main aansu aur Dil beqaraar  tha

Yeh baat umer bhar samjh na paayi may
Kyun Dil mera us ka  talabgaar tha

*******

Mujse mat pooch ki kyun aankh jhuka li maine,
teri tasveer thi jo tujhse chupa li maine,
jis pe likha tha ki tu mere muqaddar mein nahi,
apne maathe ki woh tehreer mita li meine,


har janm sabko yahaan sachha pyaar kahaan milta hai,
teri chaahat mein to umr bita li meine,
mujhko jaane kahaan ehsaas mere le jaayein,
waqt ke haathon se ek nazm utha li meine,


ghere rehti hai mujhe ek anokhi khushbu,
teri yaadon se har ek saans saja li meine,
jiske sheron ko woh sunke bahut roya tha,
bas wohi ek ghazal sabse chupa li meine.

*******